Goldman Sachs kaupir þjónustuaðila Arctic Fish
Setja bókamerki
Samkeppnisyfirvöld í Noregi og Úkraínu hafa samþykkt kaup Goldman Sachs Asset Management á 72,11% hlut í norska skipafélaginu Frøy sem sérhæfir sig í þjónustu við fiskeldi. Frøy hefur verið í eigu SalMar og er kaupverð sagt 6,6 milljarðar norskra króna sem er jafnvirði rúmlega 85 milljarða íslenskra króna, að því er fram kemur í Morgunblaðinu.
SalMar er fyrrverandi eigandi Arctic Fish en núverandi eigandi Arnarlax.
Frøy áformar frekari vöxt hér á landi á komandi árum, en nú þegar eru tveir brunnbátar þeirra starfandi á Íslandi og þjónusta þeir fiskeldi Arctic Fish á Vestfjörðum.
„Ísland er spennandi markaður sem við fylgjumst vel með. Samningurinn sem við höfum við Arctic Fish er að við munum vaxa saman með þeim. Novatrans er á þriggja ára samningi þar sem við getum boðið stærri bát ef þörf krefur,“ segir Andreas Moe, yfirmaður brunnbáta hjá Frøy.
Nánar er fjallað um málið í Morgunblaðinu í dag, fimmtudag.
Uppfært 04.08.23 klukkan 08:30. Upphaflega stóð að SalMar sé eigandi Arctic Fish, en rétt er að norska félagið seldi öðru norsku félagi (Mowi) Arctic Fish eftir að krafa þess efnis var gerð af Samkeppniseftirlitinu við samruna norskra félaga sem fóru með meirihluta í Arnarlaxi og Arctic Fish. Fréttin hefur verið leiðrétt með tilliti til þessa.
Máttu ekki auglýsa „mesta úrvalið“ og „besta verðið“
Hvetja fólk til að huga að niðurföllum
„Umferðin greinilega að þyngjast“
Fyrsti ríkisstjórnarfundurinn hafinn
Fjallvegir á Vestfjörðum og víða um land á óvissustigi
„Nánast aftakaveður þegar hryðjurnar ganga yfir“