Fjöldi tegunda má sleppa sem berast sem meðafli annarra veiða og er í sumum tilvikum skylda að sleppa fiskum við veiðar. Fiskistofa minnir sjómenn og útgerðaraðila á gildandi reglur í tilkynningu á vef stofnunar vegna drónaeftirlits í þessum mánuði.

„Eftirlitsmenn Fiskistofu munu  fljúga drónum til eftirlits í ágúst og viljum við minna á að allar upptökur eru skoðaðar vel og fiskur sem fer fyrir borð er tegundargreindur,“ segir í tilkynningunni.

Fram kemur að óhætt sé að sleppa lífvænlegum hlýra og tindaskötu. Þá sé skylda að sleppa lífvænlegum beinhákarli, háfi og hámeri.

Lífvænlegri tindaskötu er óhætt að sleppa. Ljósmynd/Sjávarlíf.is

Þá eru einnig reglur um meðafla ákveðinna veiða og er til að mynda skylt að sleppa grásleppu sem fæst í þorskfiskanet og er heimilt að sleppa lífvænlegum rauðmaga sem fæst við grásleppuveiðar.

Skylt er að sleppa allri lúðu sem fæst sem meðafli við veiðar sé hún lífvænleg og á línuveiðum skal sleppa allri lúðu með því að skera á taum línunnar. Við handfæra- og sjóstangaveiðar á að losa lúðu varfærnislega af krókum eða skera á lykkju slóðans áður en lúða kemur um borð.

Tengdar fréttir

Eftirlit með veiðum

Drónaeftirlit verður einnig í nóvember

• Úrskurður Persónuverndar hvorki fugl né fiskur
• Viðar tekur við veiðieftirlitssviði
• Leggja til bann við heimavigtun bolfisks
• Skipstjórum óhóflega refsað öðrum til viðvörunar

» Fleiri tengdar fréttir

• Blogga um frétt