Sjö umsóknir um ný rekstrarleyfi fyrir sjókvíaeldi eru til meðferðar hjá Matvælastofnun. Þar af þrjár umsóknir vegna áforma um sjókvíaeldi á Austfjörðum og fjórar á Vestfjörðum. Umsóknirnar eru mislangt komnar.

Þetta kemur fram í umfjöllun Viðskiptablaðsins.

Tillaga að nýju rekstrarleyfi Arctic Fish vegna 5.200 tonna laxeldi í Ísafjarðardjúpi var auglýst í júní, en önnur umsókn vegna eldis í Ísafjarðardjúpi á eftir að fara í gegnum áhættumat vegna siglingaöryggis og á það einnig við um eina umsókn vegna eldis í Seyðisfirði.

Frétt af mbl.is

Tillaga að leyfi Arctic Fish í Ísafjarðardjúpi auglýst

Óvissa um afgreiðslu umsókna

Ekki er víst að allar þessar sjö umsóknir fáist afgreiddar á grundvelli gildandi laga þar sem lagabreytinga er að vænta.

í svari við fyrirspurn Viðskiptablaðsins segir deildarstjóri fiskeldisdeildar Matvælastofnunar stofnunina „skoða hvort fjórar af þessum sjö umsóknum um ný rekstrarleyfi til sjókvíaeldis falli utan skurðarpunkts laganna 19. júlí 2019 eða ekki. Falli þær utan skurðpunkts verður þeim umsóknum hafnað. Ef einhver umsókn eru hins vegar innan skurðpunkts þá verður sú umsókn afgreidd“.

Þá hefur Matvælastofnun átta umsóknir til meðferðar er snúa að breytingu á gildandi rekstrarleyfum og er afgreiðsla þeirra einnig sögð háð áhættumati siglingaöryggis. Aðeins er til slíkt mat fyrir þrjú eldissvæði Arctic Fish í Ísafjarðardjúpi og er ekki vitað hvenær verður lokið við gerð áhættumats annarra eldissvæða.

Frétt af mbl.is

Mun meiri skipaumferð kalli á siglingaleiðir

Tengdar fréttir

Fiskeldi

„Enginn flokkur tekið málið í fangið“

• Strokulaxar setja mark sitt á laxveiðiár
• Eldisrisi fjárfestir milljörðum í þekkingu
• 5.196 laxar hafi sloppið úr landeldisstöð
• Strokulöxum fækkar í norskum ám

» Fleiri tengdar fréttir

• Blogga um frétt