Tryggðu sér sjö milljarða fjármögnun

Kolefnisförgunarfyrirtækinu Running Tide hefur tekist að afla 54 milljónir bandaríkjadala, jafnvirði rúmlega sjö milljarða íslenskra króna, frá fjárfestum. Félagið býður fyrirtækjum að jafna losun sína með því að binda kolefni til hafs umhverfis Ísland.

Í síðustu viku gat fyrirtækið greint frá því að það hafi afhent Shopify hundrað kolefniseiningar vegna kolefnisbindingar sem framkvæmd er á úthafinu um 190 mílur suður af landinu og tilefni af þessu hefur fyrirtækið tilkynnt að tekist hafi að safna fyrrnefndri upphæð, að því er fram kemur í umfjöllun The Fish site.

Frétt af mbl.is

Afla upplýsinga um hafið

Kolefnisbinding Running Tide felur í sér að þekja timburúrgang með kalksteini sem dregur úr súrnun sjávar og koma fyrir á flekum. Flekunum er síðan sökkt í djúpan sjó þar sem þrýstingurinn heldur kolefninu frá andrúmsloftinu. Til þessa hefur um þúsund tonnum af timburúrgangi verið komið fyrir í sjónum sem er fyrirtækið segir ígildi þess að minnka losun um 275 tonn.

Einnig er til skoðunar að stuðla að ræktun þara sem tekur upp koltvísýring eins og aðrar plöntur.

Um er að ræða eina af stærstu tilraunaverkefnum á sviði kolefnisbindingar í sjó á heimsvísu.

Frétt af mbl.is

Farga þarf 6-10 milljörðum tonna á ári

• Blogga um frétt