Talið er að hátt í sjö þúsund manns hafi skoðað frystihús Samherja á Dalvík þegar haldið var opið hús í tilefni af fiskideginum mikla.

„Stemningin á Dalvík er einstök á fiskideginum mikla, samstaða íbúanna er mikil og hlýhugur og gleði allsráðandi. Í mínum huga undirstrikar hátíðin með skýrum hætti að Dalvíkingar eru stoltir af því að sjávarútvegur er helsta atvinnugreinin, enda eru þeir sjómenn og fiskvinnslufólk í fremstu röð. Samherji er stór vinnuveitandi í sveitarfélaginu og við bjóðum gestum hátíðarinnar að smakka afurðir okkar með mikilli ánægju og stolti,“ segir Þorsteinn Már Baldvinsson, forstjóri Samherja, í færslu á vef fyrirtækisins.

„Ég þakka þeim sem sjá um framkvæmd hátíðarinnar kærlega fyrir einstaklega farsæla samvinnu í gegnum árin en fyrst og fremst er Fiskidagurinn mikli risastórt heimboð íbúanna og þökkum við Dalvíkingum fyrir óviðjafnanlegar móttökur," segir Þorsteinn Már.

Gríðarleg aðsókn var í frystihús Samherja, en um er að ræða eina af tæknivæddustu fiskvinnslum á heimsvísu. Ljósmynd/Samherji

Forseti Íslands, Guðni Th. Jóhannesson og Eliza Reid forsetafrú sýndu fiskvinnslunni áhuga. Sigurður Jörgen Óskarsson yfirverkstjóri og Gestur Geirsson framkvæmdastjóri landvinnslu fræddu forsetahjónin um starfsemina. Ljósmynd/Samherji

Ljósmynd/Samherji

Fólk lét það ekki á sig fá þó bíða urfti í röð til að komast inn. Ljósmynd/Samherji

Fiskidagurinn mikli er vinsæll viðburður. Ljósmynd/Samherji

Tengdar fréttir

Samherji

Sumarstarfsmenn gegna lykilhlutverki hjá ÚA

• Björgvin kominn til Spánar
• Hagnaður Samherja minnkaði eftir uppstokkun
• Mikilvægt að treysta viðskiptasamböndin
• Söfnuðu mottum og hálfri milljón

» Fleiri tengdar fréttir

• Blogga um frétt