Veiðibann gegn loftslagsmarkmiðum
Setja bókamerki
„Með því að hætta veiðum á langreyði er verið að auka á magn koltvísýrings í andrúmsloftinu sem er andstætt stefnu íslenskra stjórnvalda, ábendingum Sameinuðu þjóðanna og markmiðum Evrópusambandsins um minnkun á losun gróðurhúsalofttegunda út í andrúmsloftið,“ segir Kristján Loftsson, framkvæmdastjóri Hvals hf.
Losun á við 31 bifreið
Fram kom í Morgunblaðinu sl. fimmtudag að skv. skýrslu sem dr. Guðjón Atli Auðunsson efnafræðingur vann losar hver langreyður um 56 tonn af koltvísýringi á ári með blæstri sínum sem er það sama og losun 31 bíls sem ekur 14.000 km á ári og eyðir sex lítrum af jarðefnaeldskeyti á hundraðið.
Þessu til frádráttar kemur sá úrgangur sem hver langreyður lætur frá sér, en það er m.a. nitur með saur en aðallega þvagi. Það frumefni er líklegast talið til að hafa takmarkandi áhrif í sjónum við Ísland á vöxt þörunga. Jafngildir þessi hugsanlega binding vegna úrgangsefna um 28 tonnum af koltvísýringi á ári, sem þó er talið ofmat, að því er fram kemur í skýrslunni.
„Þannig verður nettólosun hverrar langreyðar af koltvísýringi út í andrúmsloftið um 28 tonn á ári, en meðalaldur langreyða sem veiðast við Ísland er um 26 ár. Þannig verður samanlögð nettólosun einnar langreyðar samsvarandi a.m.k. 570 tonnum af koltvísýringi í andrúmsloftið, en frá og með 27 ára aldri og fram til 70 ára aldurs, sem er meðalaldur langreyða við Ísland, verður nettólosunin a.m.k. rúmlega 1.200 tonn koltvísýrings út í andrúmsloftið til viðbótar,“ segir Kristján.
Nánari umfjöllun er að finna í Morgunblaðinu í dag.
Úlfar: Heppileg tímasetning á gosinu
Gosið gæti varað lengur: Meiri fyrirstaða í gosrásinni
Búseta skortir byggingarlóðir
Myndir: Grindavíkurvegur aftur undir hraun
Sáu eldgosið brjótast út frá Snæfellsnesi
Mjög alvarlegt ef Njarðvíkuræð gefur sig
Hluti bílastæðis undir hraun: Ómögulegt að meta tjón