Landa makríl erlendis en erlend skip ekki hér
Setja bókamerki
/frimg/1/52/43/1524385.jpg)
Börkur NK kom til hafnar í Þórshöfn í Færeyjum í gær þar sem skipið landaði 2.100 tonnum af makríl og er það annað skipið sem landar makríl erlendis á vertíðinni, en Margrét EA landaði 1.740 tonnum í Noregi 10. ágúst síðastliðinn.
Engum erlendum skipum hefur verið veitt heimild til að landa makríl hér á landi á vertíðinni þrátt fyrir ósk þess efnis, en heimilt er að veita undanþágu frá ákvæði laga, að því er fram kemur í umfjöllun Morgunblaðsins.
Fjallað var um það á 200 mílum á mbl.is í lok júlí að færeysk stjórnvöld hefðu sent beiðni til íslenskra yfirvalda og óskað eftir því að færeysk uppsjávarskip fengju heimild til að landa makríl hér á landi. Þeirri beiðni var hafnað á meðan sambærileg beiðni Færeyinga í Noregi var samþykkt.
/frimg/1/38/86/1388600.jpg)
Leitað var til matvælaráðuneytisins og óskað eftir rökstuðningi þeirrar ákvörðunar að neita færeyskum skipum um að landa makríl í íslenskum höfnum. Svar ráðuneytisins við þeirri spurningu er stutt: „Samkvæmt lögum er bönnuð löndun erlendra skipa í íslenskum höfnum á afla úr deilistofnum sem ekki hefur verið gert samkomulag um. Það gildir almennt.“
Nánar er fjallað um málið í Morgunblaðinu í dag.
Nágrannaþjóðir upplýstar en við vöðum í blindni
Ók á hóp fólks á jólamarkaði: Einn látinn
Forstjóri bendir á ábyrgð birgja vegna verðhækkana
„Mér finnst gamla Samfylkingin komin aftur“
„Óviðunandi eftirlit með börnum“
Stormur á Þorláksmessu en víðast hvar stefnir í hvít jól
Barn lést í árásinni
