Tvö göt á fiskkví Arctic Seafarm
Sjókvíar í Patreksfirði. Tvö göt uppgötvuðust á einni kví í firðinum. Í henni á að hafa verið yfir 70 þúsund fiskar.
mbl.is/Kristinn Ingvarsson
Setja bókamerki
Tengdar fréttir
Fiskeldi
Tvö göt fundust á kví númer átta hjá Arctic Seafarm (dótturfélags Arctic Fish) í Kvígindisdal í Patreksfirði í gær. Lágu götin lóðrétt hvort sínum megin við svokallaða styrktarlínu, hvort um sig 20 sinnum 30 sentimetrar að stærð.
Í tilkynningu frá Arctic Seafarm kemur fram að búið sé að loka götunum og verið sé að skoða allar kvíar á svæðinu. Í kví átta voru 72.522 fiskar og meðalþyngd hvers þeirra um sex kíló.
Þrjú slysasleppinganet voru lögð í gær sem verða dregin í dag með eftirlitsfólki frá Fiskistofu. Að sögn Daníels Jakobssonar, framkvæmdastjóra viðskiptaþróunar hjá Arctic Fish, er ekki vitað að svo stöddu hvort nokkrir fiskar hafa sloppið.
Nánar er fjallað um málið í Morgunblaðinu.
„Það er viðbúnaður alls staðar“
Nánast allir vinirnir snúið við honum baki
Neita sök í stóra kristal metamfetamínmálinu
„Galið að stimpla málið á svartan húmor“
Myndskeið: Eldingu sló niður í Hallgrímskirkjuturn
„Viðvaranir dynja á okkur úr öllum áttum“
Hvetja fyrirtæki til að láta ferðamenn vita
Finnbjörn „þokkalega sáttur“