Starfshópur matvælaráðherra um hvalveiðar skilar ekki skýrslu sinni til ráðherra í dag, þó svo skilafresturinn sé liðinn. Setja á nýja reglugerð um framhald hvalveiða fyrir 1. september.

Svandís Svarvarsdóttir matvælaráðherra skipaði starfshóp sem falið var það verkefni að finna mögulegar lausnir til þess að fækka frávikum við veiðar á langreyðum. Einnig á hóp­ur­inn að meta til­lög­ur sem áður hafa komið fram.

Í skip­un­ar­bréf­i hópsins er rakið álit fagráðs um vel­ferð dýra og sagt að leggja þurfi aft­ur spurn­ing­ar fyr­ir sér­fræðinga um hvort hægt sé að stunda hval­veiðar inn­an ramma laga um vel­ferð dýra.

Frétt af mbl.is

Tveir ráðuneytismenn í hópnum

Undirmenn ráðherra í hópnum

Í skipubréfinu segir einnig að mik­il­vægt sé fyrir starfshópinn að hafa hraðar hend­ur svo að hægt sé að setja á nýja reglu­gerð um fram­hald hval­veiða fyr­ir 1. sept­em­ber, áður en hval­veiðar geta haf­ist að nýju.

Dúi Jóhannsson Landmark, upplýsingafulltrúi ráðuneytisins, segir við mbl.is að skýrslan sé enn ekki tilbúin en búast megi við henni á næstu dögum.

Kom­ist starfs­hóp­ur­inn að þeirri niður­stöðu á næstu vik­um að hægt sé að stunda hval­veiðar sem sam­ræm­ast lög­um um vel­ferð dýra skuli fella á brott reglu­gerð sem bannaði hval­veiðar tíma­bundið.

Hópinn skipa fjórir og eru tveir í starfshópnum eru und­ir­menn Svandís­ar. Hinir tveir vinna hjá stofn­un­um sem heyra und­ir ráðuneyti Svandís­ar.

Frétt af mbl.is

Ólíðandi hegðun gegn vinnandi fólki

Tengdar fréttir

Hvalveiðar

Segir gjaldþrot Skagans vera áfall og skýtur á VG

• Hvalurinn er ekki að éta neitt megrunarkex
• Ráðuneytið skammti mismunandi gögn
• Afrán hvala tvöfaldast á þessari öld
• Jón segist ekki skulda Bjarkeyju

» Fleiri tengdar fréttir

• Blogga um frétt