70% veiðileyfissviptinga vegna brottkasts
Setja bókamerki
Birtar hafa verið 23 ákvarðanir um veiðileyfissviptingu. Þar af eru 16 ákvarðanir um leyfissviptingu, eða 70%, vegna brottkastsmála, að því er fram kemur í síðasta blaði 200 mílna sem fylgdi Morgunblaðinu á laugardag.
Þrjár ákvarðanir snúa að aflaskráningarbrotum, tvær eru vegna vigtunarbrota og tvær vegna annars konar brota. Sviptingarnar ná til 22 sjófara sem samanlagt hafa verið svipt veiðileyfi í 49 vikur.
Lengsta staka veiðileyfissviptingin nær til dragnótarbátsins Onna HU sem gerður hefur verið út frá Skagaströnd, en báturinn var sviptur leyfi til veiða í atvinnuskyni í átta vikur vegna brottkasts, frá og með 4. nóvember á síðasta ári. Útgerðin var jafnframt kærð til lögreglustjórans á Norðurlandi vestra.
Þrisvar hjá sama fyrirtæki
Þrjú skip Nesfisks voru svipt veiðileyfi á fiskveiðiárinu sem er að líða. Fyrst var Sigurfari GK sviptur veiðileyfi í fjórar vikur frá og með 20. janúar síðastliðnum vegna brottkasts sem Fiskistofa skilgreindi sem „meiriháttar brot“.
Þá var dragnóta- og netabáturinn Siggi Bjarna GK-5 sviptur leyfi til veiða í atvinnuskyni í þrjár vikur vegna brottkasts og svo var Baldvin Njálsson GK sviptur veiðileyfi í tvær vikur í júlí fyrir að landa 104 kössum fram hjá vigt 4. nóvember 2022.
Nánar má lesa um veiðileyfissviptingarnar í blaði 200 mílna.
Fyrsti blaðamannafundurinn í heild sinni
Stormur á Þorláksmessu en víðast hvar stefnir í hvít jól
Var engin kristnitaka árið 1000?
Beint: Ný ríkisstjórn tekin við völdum
Ók á hóp fólks á jólamarkaði: Einn látinn
Barn lést í árásinni
Forstjóri bendir á ábyrgð birgja vegna verðhækkana
„Börn heima sem maður myndi vilja hafa í skjóli“
