Litlu torfurnar gáfu vel

Veiðiferðin gekk vel hjá áhöfninni á Berki NK og kom skipuið til hafnar í Nesdkaupstað með 1.500 tonn af norsk-íslenskri síld í nótt.

„Við fórum út á föstudag, leituðum í sólarhring og hófum síðan veiðar grunnt í Héraðsflóadýpinu. Þarna voru litlar torfur en þær voru þéttar og gáfu afskaplega vel,“ Hálfdan Hálfdanarson skipstjóri á Berki NK í færslu á vef Síldarvinnslunnar.

„Aflann fengum við í fimm holum og var dregið í 2-5 tíma. Þetta er falleg síld sem þarna fæst, meðalþyngdin er 370-380 grömm. Það er nánast engin áta í síldinni þannig að hér er um fínasta hráefni að ræða til manneldisvinnslu. Það mun líklega taka eina tvo sólarhringa að landa aflanum en mér skilst að mikið af honum verði heilfryst. Þessi síldveiði byrjar vel og mér líst ágætlega á framhaldið,“ segir Hálfdan.

• Blogga um frétt