Lætur vita „þegar þar að kemur“
Setja bókamerki
Svandís Svavarsdóttir matvælaráðherra hyggst tilkynna hvort hvalveiðar verði leyfðar þann 1. september „þegar þar að kemur“. Þetta sagði hún í samtali við fréttamann mbl.is að loknum ríkisstjórnarfundi í ráðherrabústaðnum rétt fyrir hádegi í dag.
Svandís lagði tímabundið bann við hvalveiðum í upphafi sumars og rennur það úr gildi á fimmtudag, 31. ágúst.
Starfshópur á vegum ráðuneytisins hefur síðan þá unnið að því að finna mögulegar lausnir til þess að fækka frávikum við veiðar á langreyðum. Einnig fékk hópurinn það hlutverk að meta tillögur sem áður hafa komið fram.
Unnið úr skýrslunni
Skýrsla starfshópsins var birt í gær og og telur hann að hægt sé að bæta veiðiaðferðir við veiðar á stórum hvölum.
Spurð hvort Svandísi þyki eðlilegt að draga það fram á síðustu stundu að taka ákvörðun um hvort bannið verði framlengt eða ekki, segir hún:
„Skýrslan kom út í gær og það er verið að vinna úr henni“.
Telur ráðherra stöðvun veiða hafa verið forsvaranlega með tilliti til tekjutaps starfsmanna Hvals hf.?
„Allar ákvarðanir eru teknar á faglegum grunni á lögmætum forsendum og með góða stjórnsýslu að leiðarljósi,“ segir Svandís.
Tjáir sig ekki um innanflokksmál
Býst þú við því að lögð verði fram vantrauststillaga, komist umboðsmaður Alþingis að því að ákvörðunin hafi verið ólögmæt?
„Ég ætla ekki að tjá mig um innanflokksmál Sjálfstæðisflokksins,“ segir Svandís.
Fór 1.628 km í þágu sjálfsvígsforvarna
Unnu eftir kröfugerð sem lögð var fram í upphafi
Greiningarmiðstöð hluti af 13 landamæraaðgerðum
Mjög dýrt að tryggja landamærin
Viðreisn krefst aðildarviðræðna við ESB
Síminn stoppar ekki hjá Árekstur.is
Viðreisn gæti valið stjórn