Íslandi komið á þörungakortið
Setja bókamerki
Fyrsta alþjóðlega ráðstefnan um rækt og vinnslu þörunga sem haldin hefur verið á Íslandi var sett í Hörpu í Reykjavík í morgun. Fer hún fram undir nafninu Arctic Algae og segja skipuleggjendur mikinn áhuga á greininni en uppselt er á ráðstefnuna.
„Við erum ofboðslega ánægð sem samtök að ná að fylla okkar fyrstu alþjóðlegu ráðstefnu um smá- og stórþörunga. Þetta eru yfir 160 manns á staðnum og um 40 á netinu, þannig að þetta er samtals fleiri en tvö hundruð,“ segir Sigurður Pétursson, formaður Samtaka íslenskra þörungafélaga.
Sigurður segir þátttökuna til marks um hve mikið vaxtarskeið er hafið í greininni hér á landi. „Einnig sýnir þetta áhugann á tækifærum til ræktunar sem og öllum þeim milljónum tonna af þörungum sem þegar eru í hafinu og við gætum verið að nýta betur. Svo er Ísland einstakt að því leiti að vera með fyrirtæki sem er í fremstu röð á heimsvísu í smáþörungarækt, það vekur athygli. Helmingur þátttakenda eru erlendis frá og nýta ferðina í að kynna sér starfsemi sem tengjast smá- og stórþörunga hér á landi.“
Svandís Svavarsdóttir matvælaráðherra setti ráðstefnuna í morgun og er matvælaráðuneytin meðal þeirra sem styðja við ráðstefnuna. Þá eru meðal frummælenda og þátttakenda á ráðstefnunni, sem lýkur á morgun, fjöldi íslenskra sérfræðinga og atvinnurekenda sem og erlendra. Fyrsti frummælandi ráðstefnunnar var Vincent Doumeizel, sérstakur ráðgjafi Samtaka Sameinuðu þjóðanna um ábyrga viðskiptahætti (e. Global Compact).
Þegar áhugi á næstu ráðstefnu
„Það eru 30 félög sem tengjast þessum samtökum og það hefur verið talað um það frá stofnun samtakanna að Ísland hafi ekki verið á þörungakortinu og til að koma Íslandi á kortið þyrfti að halda alþjóðlega ráðstefnu. Því höfum við komið á og hefur tekist vel til,“ segir Sigurður.
„Fyrsta degi hefur ekki verið lokið og það hafa komið þó nokkuð margir og sagt að við þurfum að halda þetta árlega. Við erum með land norðarlega sem er með kaldan sjó sem gefur einstaka möguleika til ræktunar í sjó, við erum einnig með jarðvarma og græna raforku sem gefur frábæra möguleika til ræktunar á landi. Ísland er kannski óska ríkið í starfsemi sjálfbært aflaðra þörunga og ræktunar. Þetta held ég hafi vakið athygli þeirra sem hafa komið erlendis frá, en svo lærum við af þeim sem koma hingað sem hafa reynslu af miklu stærri framleiðslu en okkur hefur tekist að koma á hér.“
Varð að gefa dálítið af sjálfum mér
„Mér var haldið sofandi í níu sólarhringa“
Mjög dýrt að tryggja landamærin
Vonast eftir breiðri þverpólitískri sátt
Unnu eftir kröfugerð sem lögð var fram í upphafi
Viðreisn krefst aðildarviðræðna við ESB
Viðreisn í mikilli sókn
„Þetta er algerlega hans ákvörðun“