Tveir bátar sukku í Sandgerðisbót

Tveir smábátar sukku við flotbryggjuna í Sandgerðisbót við Akureyri í gærkvöldi eða nótt. Pétur Ólafsson, hafnarstjóri Akureyrarhafnar, segir í samtali við mbl.is að verið sé að kanna hvað olli því að bátarnir sukku en tilgátan sé sú að göt séu á öðrum bátnum. Hann hafi svo dregið hinn niður í hyldýpið með sér.

Pétur segir að búið sé að ná öðrum þeirra á þurrt en að hinn sé enn í höfninni. 

Kafarar fóru í höfnina strax í morgun þegar aðgerðir hófust að ná bátunum upp.

Pétur segir tjónið aðallega vera þeirra sem eiga bátana og að ólíklega þurfi að fara í hreinsunaraðgerðir í höfninni. Magn olíu á smábátunum sé ekki svo mikið.