Mestu veiðigjöld síðustu fimm ár
Setja bókamerki
Á fyrstu sex mánuðum ársins greiddu útgerðir landsins 5.641 milljón króna í veiðigjöld, að því er fram kemur á vef Fiskistofu. Það er 67% meira en gjaldið skilaði á fyrri árshelmingi 2022 og þarf að fara aftur til ársins 2018 til að finna ár þar sem sjávarútvegurinn greiddi álíka upphæð á fyrstu sex mánuðum ársins, að því er fram kemur í umfj-öllun Morgunblaðsins.
Veiðar á þorski hafa skilað mestu veiðigjaldi eða rúmum tveimur milljörðum króna, en næstmestu skilaði loðnuvertíðin, 1,8 milljörðum króna.
Tekjur ríkissjóðs vegna veiðigjalds á þorski voru um 5% minni á fyrstu sex mánuðum þessa árs, en á sama tímabili í fyrra, en á móti kemur að þorskaflinn hefur dregist saman um tæp 13%. Álagningin á þorskinn hefur aukist um 11% á milli ára.
Svandís Svavarsdóttir matvælaráðherra tilkynnti á þriðjudag að hún hygðist leggja til við Alþingi að veiðigjöld á sjávarútveginn yrðu hækkuð.
Lesa má um málið í Morgunblaðinu í dag.
„Ég hef verið kjaftaskur mikill“
Bendir hveitifyrirtæki á kærumöguleika
Ekki of seint að fá inflúensusprautuna
Viljum hvorki vera Danir né Bandaríkjamenn
MDE: Brotið á Jóhannesi í BK-44 máli
Þykir gott að flóðin féllu
„Sársauki okkar er nístandi“
Skotinn til bana við skyldustörf