Stjórn Sambands íslenskra kvikmyndaframleiðenda (SÍK) harmar ákvörðun matvælaráðherra um að heimila hvalveiðar á ný og segist hafa áhyggjur af því hvaða afleiðingar ákvörðunin muni hafa.

Frétt af mbl.is

„Við getum alveg lifað með þessu“

Skora á íslensk stjórnvöld

Bent er á í yfirlýsingu sambandsins að þegar hafi margir erlendir kvikmyndaframleiðendur, leikarar og umhverfissinar undirritað bréf þar sem skorað er á íslenskt stjórnvöld að banna hvalveiðar.

„Íslenskur kvikmyndaiðnaður hefur verið í miklum vexti undanfarin ár og er um þessar mundir að festa sig í sessi sem ákjósanlegur áfangastaður fyrir hin ýmsu framleiðsluverkefni. Í þessu samhengi má nefna að velta kvikmyndaiðnaðar nam um 25 milljörðum á síðast liðnu ári, þar af er stór hluti útflutningstekjur. Afstaða alþjóðlega kvikmyndaiðnaðarins til hvalveiða vegur þungt hvort uppbygging síðustu ára haldi áfram eða að Ísland verði sniðgengið. Íslensk stjórnvöld hafa á undanförnum árum lagt mikinn metnað í að efla samkeppnishæfni íslensks kvikmyndaiðnaðar,“ segir í yfirlýsingunni.

Hvetur stjórn SÍK íslensk stjórnvöld til að horfa til heildarhagsmuna íslensks samfélags og vonast eftir skjótri samstöðu flokka um hvalveiðibann.

Tengdar fréttir

Hvalveiðar

Fátt um svör vegna Black Cube

• „Er í mínum huga engin frétt“
• Ríkislögreglustjóri kannar málsatvik
• Jón „mun ekki koma nálægt meðferð hvalamálsins“
• 40% telja veiðarnar veikja stöðu Íslendinga

» Fleiri tengdar fréttir

• 1 blogg um fréttina

Bloggað um fréttina

• Ingólfur Sigurðsson: Hvalveiðar