Standa sem fastast eftir samningaviðræður
Setja bókamerki
Konurnar standa enn sem fastast í möstrum hvalveiðiskipa Hvals hf. eftir samningarviðræður við lögreglu sem hófust um tuttugu mínútum yfir sex.
Samningahópur lögreglunnar fór um borð í hvalveiðibátana klukkan sex í kvöld. Um klukkan 18:20 voru tveir lögreglumenn komnir upp í sitthvort mastrið þar sem þeir ræddu við stúlkurnar sem þar hafa staðið síðan í morgun, til þess að mótmæla ákvörðun Svandísar Svavarsdóttur, matvælaráðherra, um að heimila hvalveiðar á ný.
Ekki er ljóst hvað fór á milli lögreglumannanna og mótmælendanna, en svo virtist sem samtalið hafi verið á léttu nótunum því heyra mátti hlátrasköll inn á milli.
Lyfti upp höndum við fögnuð viðstaddra
Samræðunum í öðru mastrinu lauk um korteri síðar þegar lögreglumaðurinn kom sér niður, honum virðist þó ekki hafa tekist að sannfæra konuna um að fylgja á eftir sér, enda stóð hún enn sem fastast í mastrinu.
Í hinu mastrinu ræddi lögreglumaðurinn öllu lengur við konuna, en fyrr í morgun lagði lögregla hald á matarbirgðir hennar. Þegar lögreglumaðurinn undirbjó sig undir að klifra niður lyfti konan upp höndum og viðstaddir fögnuðu.
Ásgeir Þór Ásgeirsson, yfirlögregluþjónn hjá lögreglunni á höfuðborgarsvæðinu, sagði í samtali við mbl.is, rétt fyrir viðræðurnar að ekki væri ákveðið hvenær gripið yrði til aðgerða.
Varð að gefa dálítið af sjálfum mér
„Mér var haldið sofandi í níu sólarhringa“
Mjög dýrt að tryggja landamærin
Vonast eftir breiðri þverpólitískri sátt
Unnu eftir kröfugerð sem lögð var fram í upphafi
Viðreisn krefst aðildarviðræðna við ESB
Viðreisn í mikilli sókn
„Þetta er algerlega hans ákvörðun“