Fór inn á lokað svæði og var handtekin
Setja bókamerki
Mótmælandi sem fór inn á lokaða svæðið við gömlu höfnina í Reykjavík var handtekin nú rétt í þessu. Fjölmiðlafólki hafði verið heimilt að vera á svæðinu, en ekki almenningi.
Konan hafði farið inn á svæðið til að kalla til kvennanna tveggja sem mótmæla í möstrum hvalveiðiskipa Hvals.
Lögreglan stöðvaði för konunnar og ætlaði að færa hana af svæðinu. Þegar hún streittist á móti handtók lögreglan konuna og færði hana í lögreglubifreið.
Samkvæmt blaðamanni mbl.is á svæðinu voru þær Elissa og Anahita, mótmælendurnir sem halda til í mastri skipanna, að kalla niður til stuðningsfólks síns. Hins vegar heyrðist lítið í þeim, þar sem fólkið er í nokkurri fjarlægð. Hingað til hefur einn úr hópi mótmælenda, Micah Garen, fengið að vera inn á svæðinu, en hann er einnig kvikmyndagerðarmaður. Hann var þegar þetta átti sér stað hins vegar ekki á vettvangi. Ákvað þá konan, sem einnig er hluti af Paul Watson-samtökunum, að hlaupa inn á lokaða svæðið til að heyra hvað konurnar voru að segja.
Þegar hún sneri við stöðvaði lögreglan hins vegar för hennar. Samkvæmt blaðamanni veitti konan þá mótspyrnu og sló frá sér, mögulega þannig að slegið hafi verið til lögreglunnar. Var hún því í kjölfarið handtekin og færð í lögreglubíl og síðar keyrð í burtu af vettvangi í lögreglubílnum.
Beint eftir handtökuna hélt lögreglumaður upp í mastur Hvals 8, þar sem Elissa er. Ræddi lögreglumaður við hana í nokkra stund áður en hann kom niður aftur. Virðist lögreglan ætla að halda upp í mastur Hvals 9, þar sem Anahita er.
Er þetta í annað skiptið í dag sem lögreglan heldur upp í mastur skipanna.
Donald Trump: „Ég ætti að vera dáinn“
Vilja ekki sjá Kjalölduveitu í verndarflokki
/frimg/4/90/490685.jpg)
Blóði drifin saga banatilræða
„Ekki gera meira af því sama“
Byssuskot forsenda athygli
Við höfum „runnið til baka niður brekkuna“