Samuel Rostøl, mótmælandi á vegum Bretlandsdeildar Paul Watson-samtakanna segir að lögreglan hindri för sjúkrabíla til þess að kanna líðan annars aðgerðasinnans sem hefur komið sér fyrir í mastri hvalveiðiskips Hvals hf. í Reykjavíkurhöfn.

„Einum aðgerðasinna hefur verið meinað um aðgang að vatni, mat og lyfjum sem hún þarf á að halda á hverjum degi. Við höfum hringt mörgum sinnum á sjúkrabíl en enginn hefur komið,“ segir Samuel við blaðamann mbl.is sem er á hafnarsvæðinu.

„Enn sem komið er hefur lögreglan stöðvað allar tilraunir til þess að koma nauðsynlegum birgðum til aðgerðasinnans.“

Samuel segir að eftir að hafa hringt í neyðarlínuna hafi honum verið gefið samband við lögregluna sem sagði að í lagi væri með aðgerðasinnana.

Áhyggjur af ofþornun og kulda

Samuel segist hafa áhyggjur af því að aðgerðasinninn sé orðin þurr af vatnsskorti og mjög köld.

„Hún gæti verið í slæmu ástandi þannig að við viljum fá einhvern heilbrigðismenntaðan til þess að kanna ástand hennar. Lögreglan sagði að þeir væru ekki með lækna sem væru að kanna ástand hennar,“ segir Samuel.

Tengdar fréttir

Hvalveiðar

Meirihluti óánægður með ákvörðun Bjarna

• Lög um hvalveiðar úrelt og krefjast endurskoðunar
• Hrefnuveiðar hefjast á Ísafirði í vor
• Gagnrýna ákvarðanir starfsstjórnar
• Segir næstu stjórn sitja uppi með ákvörðun Bjarna

» Fleiri tengdar fréttir

• Blogga um frétt