Telja sig hafa bjargað 4-8 hvölum
Setja bókamerki
Imogen Sawyer, sem stödd er hér á landi á vegum Paul Watson-samtakanna, segir aðgerðir mótmælendanna tveggja sem hlekkjuðu sig við möstur Hvals 8 og 9 við Reykjavíkurhöfn í gær og í dag hafa bjargað lífum fjögurra til átta hvala.
Þrátt fyrir að til átaka hafi komið við höfnina í dag segir Imogen samtökin ekki líða ofbeldi.
Imogen segir konurnar tvær, þær Anahitu Babaei og Elissu Biou, sem yfirgáfu möstrin í dag eftir að hafa hlekkjað sig við þau í tæplega einn og hálfan sólarhring, hafa unnið mikið þrekvirki.
„Þær hafa verið alveg ótrúlegar,“ segir Imogen. „Þetta er gífurleg hvatning fyrir fólk sem er að reyna að binda enda á hvalveiðar á Íslandi.“
Sýndu borgaralega óhlýðni
Að sögn Imogen tókst konunum tveimur að bjarga lífi margra hvala með aðgerðum sínum. „Fyrst hélt veðrið hvalveiðimönnum inni, en síðan hafa þær gert það. Hvert þessara skipa getur dregið tvo hvali til baka á einum sólarhring og því hafa þær bjargað fjórum til átta hvölum með því að sitja þarna og mótmæla án þess að beita ofbeldi. Þannig sýndu þær borgaralega óhlýðni til þess að vekja athygli á málstaðnum og í viðleitni til þess að bjarga hvölunum,“ segir Imogen.
„Vinnu okkar er ekki lokið“
Hún segir samtökin ekki hyggjast yfirgefa Ísland á næstunni og fer hörðum orðum um Kristján Loftsson, framkvæmdastjóra Hvals hf.
„Vinnu okkar hér er ekki lokið. Fyrirtæki Kristjáns Loftssonar mun draga dauðar langreyðar upp slippinn við hvalstöðina innan skamms. Hann er spenntur fyrir því að komast út og veiða sinn fyrsta hval [í ár] til að sýna öllum hversu magnaður hann er.
Við munum vera á staðnum og skrásetja hvern einasta hval sem kemur upp í slippinn svo við getum haldið áfram að sýna heiminum hvernig hann fer með dýrin. Okkar vinna helst síðan í hendur við vinnu MAST sem vinnur á skipinu, tekur upp og skjalfestir,“ segir Imogen.
Harmar að til átaka hafi komið
Imogen segist þykja miður að komi hafi til átaka á milli mótmælenda og lögreglu í dag og tekur það skýrt fram að hópurinn líði ekki ofbeldi af neinu tagi. Þá streittist mótmælandi á móti handtöku lögreglu eftir að hafa farið inn á lokað svæði til þess að kalla til kvennanna tveggja.
„Við erum ofbeldislaus aðgerðasamtök,“ segir Imogen. „Við skiljum þó hvers vegna hún var örvæntingarfull og vildi komast úr aðstæðunum. Auk þess skiljum við lætin og óttann sem hún upplifði þegar maður sem var tvisvar sinnum stærri en hún greip hana svo fast að nú þegar er farið að votta fyrir mari á handlegg hennar.“
Loks segir Imogen ekki standa til að samtökin skipuleggi mótmæli á Íslandi. „Við erum meira en fús til þess að koma og sýna stuðning og samstöðu, en þær aðgerðir sem gripið hefur verið til hafa aðallega verið af Íslendingum sem og þessum tveimur hugrökku baráttukonum sem sátu í skipunum í dag.“
/frimg/1/52/96/1529614.jpg)
Hálf öld liðin frá hvarfi Geirfinns
Unnu eftir kröfugerð sem lögð var fram í upphafi
Viðreisn krefst aðildarviðræðna við ESB
„Það er sárt að svona fór“
Ekki eins og jólasveinn á hreindýrssleða
Vonast eftir breiðri þverpólitískri sátt
Umræðan var óþægileg fyrir Þórð og flokkinn allan