Hvalirnir komnir til hafnar
Hvalur 9 mætti í Hvalfjörðinn á níunda tímanum í morgun.
mbl.is/Eggert Jóhannesson
Setja bókamerki
Hvalveiðiskipið Hvalur 9 var rétt í þessu að landa við hvalstöðina í Hvalfirði. Systurskip þess, Hvalur 8, mætti í Hvalfjörðinn snemma í morgun.
Hvalveiðiskipin hafa verið við veiðar síðan á miðvikudag og hefur veiðum miðað vel. Morgunblaðið greinir frá því í dag að skipin séu samanlagt með þrjár langreyðar, fyrra skipið með eina og seinna með tvær.
Hvalur 9 landaði við hvalstöðina í Hvalfirði í morgun en nú hefur hluti stöðvarinnar verið girtur af með rafmagnsgirðingu.
mbl.is/Eggert Jóhannesson
Búið er að stækka það svæði við hvalstöðina sem er girt af með rafmagnsgirðingu.
Hvalveiðarnar voru heimilaðar á ný 1. september en með takmörkunum. Vertíðin tafðist þó um nokkra daga, fyrst vegna veðurskilyrða en síðan vegna mótmæla. Höfðu þá tveir mótmælendur hlekkjað sig fasta í möstur skipanna í rúman einn og hálfan sólarhring og tafið veiðarnar um tæpa þrjá daga.
Rafmagnsgirðing við hvalstöðina í Hvalfirði.
mbl.is/Eggert Jóhannesson
Áskoranir tóku að berast síðasta haust
Enginn tími til að hemla
Samþykkir ekki vopnahléstillögu
„Byggja varnargarð utan um fólkið okkar“
Arðsemin dregst saman
Átta létust og 229 slösuðust alvarlega
Hundrað prósent vampíra
Fólk í kosningateymi Höllu fékk milljónir frá OS