Segir Hval hafa reist ólöglega rafmagnsgirðingu
Setja bókamerki
Hvalur hf. hefur stækkað það svæði við hvalstöðina í Hvalfirði sem girt er af með rafmagnsgirðingu. Girðingin hefur gerir myndatökumönnum erfiðara fyrir að taka myndir af hvölunum og verkun þeirra, sem er í eðli sínu nokkuð blóðug.
Hvalveiðibátarnir Hvalur 8 og 9 höfnuðu við hvalstöðina í morgun og veiddust þrír hvalir á túrnum. Fjölmiðlar hafa margir sent sína fulltrúa á svæðið, þar á meðal mbl.is.
Mótmælendurnir Elissa Biou og Anahit Babaei eru mættar á vettvang. Einnig hefur kvikmyndatökumaðurinn Micah Garen, kvikmyndagerðarmaður og aðgerðasinni verið við upptökur á svæðinu en hann vill meina að girðingin sé í raun „ólögleg“.
„Sinnir engum tilgangi“
„Kristján setti nýlega upp girðinguna til þess að hindra fólk frá því að taka myndefni af þessu. Girðingin sinnir engum tilgangi, það er engin vinna sem er gerð hérna á svæðinu,“ segir Garen við mbl.is.
Garen segir að það sé heldur ekki neitt hlið á girðingunni sem sé brot á almannarétti íslendinga, sem er sá réttur almennings til frjálsra afnota af landi og landsgæðum og til farar um land og sjó.
Hvalur hf. hefur tjáð mbl.is að fjölmiðillinn fái í þetta skiptið ekki heimild til þess að fá aðgang inn fyrir girðinguna.
Til samanburðar náðust skýrar myndir af hvalverkuninni í fyrra en þá var ekki búið að reisa girðinguna.
Mjög dýrt að tryggja landamærin
Umræðan var óþægileg fyrir Þórð og flokkinn allan
„Þetta er algerlega hans ákvörðun“
„Það er sárt að svona fór“
Unnu eftir kröfugerð sem lögð var fram í upphafi
Ekki eins og jólasveinn á hreindýrssleða
Varð að gefa dálítið af sjálfum mér