Það viðraði einstaklega vel til hvalveiða um helgina og hafa veiðar gengið vel. Í gær tókst áhöfnum Hvals hf.  að ná fjórum langreyðum sem komið var með til hafnar í Hvalfirði í dag.

Föstudag síðastliðinn var landað tveimur langreyðum og var það fyrsti afli veiðanna sem byrjuðu óvenju seint vegna tímabundins banns við veiðunum í kjölfar skýrslu Matvælastofnunar um að veiðarnar á síðasta ári, en þá ályktaði stofnunin að framkvæmd veiðanna hefði ekki samræmst markmiðum laga um dýravelferð.

Frétt af mbl.is

Hvalirnir komnir til hafnar

Elín B. Ragnarsdóttir, sviðsstjóri veiðieftirlits hjá Fiskistofu, segir að svo komnu ekki hafa komið upp neitt við framkvæmd veiðanna sem brýtur í bága við þá eftirlitsþætti sem Fiskistofa sinnir, en stofnunin hefur eftirlit með veiðibúnaði og hvort uppfyllt eru skilyrði sem fram koma í veiðileyfi.

Elín bendir þó á að enn sé verið að vinna úr þeim gögnum sem aflað hefur verið og að eftirlit með þeim þáttum er snúa að dýravelferð falli undir verkefni Matvælastofnunar.

Í nýrri reglugerð um tilhögun veiða er gert ráð fyrir að áhafnir hvalveiðibáta þurfi að uppfylla sett skilyrði, meðal annars að hafa sótt námskeið sem hafa hlotið vottun Fiskistofu og Matvælastofnunar. Elín upplýsir að sá liður reglugerðarinnar taki ekki gildi fyrr en 18. september og að unnið sé að því að meta þau námskeið sem áhafnirnar hafa þegar sótt og hvort eitthvað vanti til að uppfylla þau skilyrði sem sett hafa verið. Þeirri vinnu er ekki lokið.

Frétt af mbl.is

Gæti verið ómögulegt að uppfylla skilyrðin

Tengdar fréttir

Hvalveiðar

Segir gjaldþrot Skagans vera áfall og skýtur á VG

• Hvalurinn er ekki að éta neitt megrunarkex
• Ráðuneytið skammti mismunandi gögn
• Afrán hvala tvöfaldast á þessari öld
• Jón segist ekki skulda Bjarkeyju

» Fleiri tengdar fréttir

• Blogga um frétt