Þær einingar sem hafa verið reknar undir merkjum Útgerðarfélags Akureyringa (ÚA) munu áfram bera nafn félagsins þrátt fyrir að félagið hætti að vera til. Þetta kemur fram í yfirlýsingu á vef Samherja.

Fram kom í umfjöllun 200 mílna í dag að í Lög­birt­ing­ar­blaðinu hafi verið tilkynnt um að hluta­fé­laga­skrá hafi borist samruna­áætl­un er snýr að yf­ir­töku Sam­herja á ÚA. Vegna þessa verður ekkert félag rekið á eigin kennitölu með heitið ÚA.

Frétt af mbl.is

Útgerðarfélag Akureyringa sameinist Samherja

Í yfirlýsingunni segir að ákvörðun um að sameina dótturfélög Samherja hf., ÚA og Samherji Ísland ehf., á eina kennitölu hafi verið tekin til að einfalda rekstur í veiðum og vinnslu og ná fram hagræðingu.

„Útgerðarfélag Akureyringa verður að sjálfsögðu áfram til, þótt félagið sameinist systurfélaginu Samherja Íslandi ehf. Landvinnslan á Akureyri mun áfram heita landvinnsla Útgerðarfélags Akureyringa. Skipin, Kaldbakur og Harðbakur verða áfram skip Útgerðarfélags Akureyringa. Eftir sameiningu dótturfélaganna verður margvísleg umsýsla einfaldari og skilvirkari, sem er eins og fyrr segir helsta ástæða þessara breytinga,“ segir Þorsteinn Már Baldvinsson, forstjóri Samherja í yfirlýsingunni.

Tengdar fréttir

Samherji

Samherji hafði betur gegn Odee

• Hafa fjarfest meira en nemur hagnaði
• Fyrrverandi starfsfólki „sé haldið í spennitreyju“
• Þúsundir smáskilaboða fundust í tölvu
• Sumarstarfsmenn gegna lykilhlutverki hjá ÚA

» Fleiri tengdar fréttir

• Blogga um frétt