Boða afléttingu á veiðibanni með skilyrðum
Hvalveiðibátarnir Hvalur 8 og Hvalur 9 í Reykjavíkurhöfn.
mbl.is/Júlíus
Setja bókamerki
Matvælastofnun (MAST) hefur sent bréf til Hvals hf þar sem aflétting á tímabundnu veiðibanni Hvals 8, er boðuð með skilyrðum.
Í tilkynningu á vef MAST segir að stofnunin hafi lokið rannsókn á frávikum við veiðar Hvals 8 á langreyð sem leiddi til tímabundinnar stöðvunar.
Afléttingin er sem áður segir skilyrðum háð og eru þau eftirfarandi:
- Skotæfing á sjó þar sem sýnt er fram á hæfni skyttu.
- Uppfærsla á verklagsreglum þar sem tekið verður mið af athugasemdum beggja eftirlitsstofnanna, Matvælastofnunar og Fiskistofu. Breytingarnar verða að vera samþykktar af báðum eftirlitsstofnunum og kynntar á fullnægjandi hátt fyrir áhöfnum Hvals 8 og 9.
Í tilkynningu MAST segir að nauðsynlegt sé að uppfylla skilyrðin áður en veiðar Hvals 8 geti hafist á nýjan leik.
Þá er enn til skoðunar hvort að stjórnvaldssekt verði lögð á vegna málsins. Mun stofnunin áfram fylgjast með framkvæmd veiða og grípa til aðgerða ef önnur alvarleg frávik koma upp.
Biden dregur framboð sitt til baka
Foreldrar skilja ekki einkunnir barna sinna
Engar reglur til að takast á við stöðuna
„Það er stutt á milli stórra atburða“
Einsdæmi að ekki séu samræmd próf
Óráðleg og afdrifarík ákvörðun skólayfirvalda
„Það er þá bara alltaf orðrómur“