„Mega ekki misfara með sínar heimildir“
Setja bókamerki
Dagsektir Samkeppniseftirlitsins (SKE) á sjávarútvegsfyrirtækið Brim hf. eru ólöglegar og felldi áfrýjunarnefnd samkeppnismála þær úr gildi með mjög afdráttarlausum úrskurði í gær.
Verður að virða lög til að halda trúverðugleika
Guðmundur Kristjánsson, forstjóri Brims, fagnaði úrskurði áfrýjunarnefdar samkeppnismála í samtali við Morgunblaðið í gær en segir hann umhugsunarverðan.
„Samkeppniseftirlitið verður að virða lög til að halda trúverðugleika í þjóðfélaginu. Fólkið og fyrirtækin í landinu verða að geta treyst eftirlitsstofnunum, þær hafa mikil völd og mega ekki misfara með sínar heimildir.“
SKE ákvað í júlí að beita Brim 3,5 milljóna króna dagsektum – hæstu dagsektum í sögu eftirlitsins – til að knýja á um að útgerðin afhenti allar umbeðnar upplýsingar í tengslum við athugun þess á sjávarútvegsfyrirtækjum.
Hún var gerð samkvæmt samningi við Svandísi Svavarsdóttur matvælaráðherra, ætluð til pólitískrar stefnumótunar í sjávarútvegi, nefnd Auðlindin okkar.
Sjálfstæði SKE í uppnámi
Áfrýjunarnefndin kemst að þeirri niðurstöðu að lagaheimildir SKE til beitingar dagsekta hrökkvi ekki til. Þær séu veittar til að unnt sé að beita þvingunaraðgerðum í samkeppnisbrotamálum, en ekki vegna verkefna fyrir aðra.
Áfrýjunarnefndin segir að samningurinn við matvælaráðherra hafi yfirbragð verktakasamnings, en fyrir slíkri verktöku sé ekki gert ráð í samkeppnislögum. Verktaka af því tagi gegn greiðslu „samræmist ekki því hlutverki Samkeppniseftirlitsins, sem því er fengið í samkeppnislögum, sem sjálfstæðs stjórnvalds,“ segir í úrskurðinum.
„Þaðan af síður [verður] talið að Samkeppniseftirlitið hafi heimild til að beita valdheimildum sínum og þvingunarúrræðum eins og dagsektum til að knýja á um afhendingu gagna vegna slíkra athugana og skýrsluskrifa.“
Ekki náðist í Pál Gunnar Pálsson, forstjóra SKE, eða Ásgeir Einarsson aðstoðarforstjóra við vinnslu fréttarinnar, en Sveinn Agnarsson, formaður stjórnar SKE, baðst undan viðtali.
Þarf að koma til móts við ólíkar þarfir lækna
Hentugt gos fyrst gýs á annað borð
Viðræður ekkert þokast frá því á þriðjudag
/frimg/1/53/17/1531723.jpg)
Kálfur kom í heiminn á miðjum kosningafundi
Gasmengun gæti borist yfir höfuðborgarsvæðið
Pútín reynir allt til að forðast aðra herkvaðningu
„Höfum sloppið bærilega með skaða af þessu gosi“