Banni aflétt og Hvalur 8 til veiða á ný
Setja bókamerki
Matvælastofnun, MAST, hefur aflétt tímabundnu banni við veiðum Hvals 8 og hefur skipið nú haldið til veiða á miðunum suður af landinu.
Svo sem fram hefur komið setti MAST þau skilyrði fyrir því að banninu yrði aflétt, að fram færi skotæfing á sjó til að sýna fram á hæfni skyttunnar á Hval 8.
Hitti fimm skotum af fimm
Einnig var þess krafist að verklagsreglur yrðu uppfærðar með tilliti til athugasemda sem MAST og Fiskistofa gerðu, þær síðan samþykktar af báðum stofnunum og reglurnar jafnframt kynntar á „fullnægjandi hátt fyrir áhöfnum Hvals 8 og 9,“ eins og komist er að orði í tilkynningu MAST.
Hinar uppfærðu verklagsreglur voru samþykktar. Skotprófið fór síðan fram í Hvalfirði í gær og var skotið á belg og skilyrt að skyttan hæfði belginn í öllum skotunum fimm. Það gekk eftir. Hvalur 8 lagði síðan úr höfn og er þess vænst að báturinn komi í Hvalfjörð um helgina með feng sinn.
Hækkun skilaði sér til bænda
„Þetta er ríkisstjórn almannahagsmuna“
Lyklaskipti í ráðuneytunum
Ellefu skjálftar síðasta sólarhringinn
Bjarni afhenti Kristrúnu lyklana
Veðurspáin mjög slæm: Ökumenn fari varlega
Telur sér ekki heimilt að úthluta Helga verkefni