Nýja björgunarskipið heitir í höfuðið á Vilhjálmi
Setja bókamerki
Villi Páls er nafn nýs björgunarskips björgunarsveitarinnar Garðars á Húsavík. Skipinu var í gær siglt í sína heimahöfn en hófst ferðalagið á Akureyri og sigldi skipið Sigurvin frá Siglufirði með Villa Páls yfir Skjálfanda og til hafnar á Húsavík. Skipinu sigldu þeir Guðbergur Rafn Ægisson og Fannar Reykjalín Þorláksson sem var við stýrið.
Er þeir komu með skipið í heimahöfn klukkan 17 tók hátíðleg athöfn við þeim á Hafnarstéttinni.
Hjálmar Bogi Hafliðason, forseti sveitarstjórnar Norðurþings, og Jón Gunnarsson fyrrverandi dómsmálaráðherra fluttu erindi og að þeim loknum blessaði sr. Sólveig Halla Kristjánsdóttir, sóknarprestur á Húsavík, skipið.
150 manns mættu á athöfnina
Nafn skipsins er ekki gripið úr lausu lofti, heldur er það skírt eftir Vilhjálmi Pálssyni sem var einn af stofnendum björgunarsveitarinnar Garðars og fyrrverandi formaður. Vilhjálmur mætti að sjálfsögðu á athöfnina ásamt fjölskyldu sinni en hann á merkilegan feril að baki.
Hann var formaður Garðars í tæp 22 ár og menntaði marga Húsvíkinga til skipstjórnarréttinda ásamt því að vera leikfimiskennari. Birgir Mikaelsson formaður björgunarsveitarinnar segir í samtali við Morgunblaðið að Vilhjálmur sé og hafi alltaf verið samfélagsstoð í sveitarfélaginu.
Að lokinni athöfn á bryggjunni var sótt heimili björgunarsveitarinnar þar sem önnur ræða var haldin og gestum boðið upp á veitingar. „Það var bara mjög góð stemning fyrir komu bátsins og ég held að um 150 manns hafi mætt á athöfnina,“ segir Birgir að lokum.
Fresta dómsuppkvaðningu í máli Trumps
Eldgos í sumar sennilega það síðasta
Lokahnykkur á brotnum hafís í 36 tíma
„Lítur mjög illa út gagnvart þessum hópi fólks“
Blöðin teygja sig 200 metra upp í loft
Fresta lokun endurvinnslustöðvar um ár
/frimg/1/50/23/1502370.jpg)
Yfir 17 gráður fyrir klukkan sjö í morgun