Mótmæla sjókvíaeldi á Austurvelli
Setja bókamerki
Landssamband veiðifélaga boðar til fjöldamótmæla á Austurvelli laugardaginn 7. október nk. Þar verður þess krafist að eldi laxa í sjókvíum verði stöðvað. Þetta kemur fram í bréfi sem landssambandið hefur sent aðildarfélögum sínum.
Segir þar að ætlunin sé að bændur, landeigendur, veiðimenn og aðrir þeir sem styðja málið aki úr sinni heimasveit í einni bílalest á Austurvöll og tjái þar ráðamönnum afstöðu sína og kröfur.
Í bréfinu er bent á það að sl. mánuð hafi 230 kynþroska laxar af norskum uppruna veiðst í íslenskum laxveiðiám eftir að hafa sloppið úr eldiskvíum Arctic Fish, en fjöldi þeirra laxa sem sluppu skipti líklega þúsundum.
„Þessa dagana róum við, ásamt bændum og landeigendum, öllum árum að því að takmarka það tjón sem sjókvíaeldið hefur valdið okkur og villta laxastofninum. En það er ekki nóg. Nú þarf að stöðva þennan mengandi iðnað í eitt skipti fyrir öll,“ segir þar. Málið snúist um tilvist villta laxastofnsins, hvort hann muni lifa eða deyja, segir í bréfinu, en til mótmælanna er boðað í samvinnu við náttúruverndarsamtök og aðra sem leggja málinu lið.
Fjallvegir á Vestfjörðum og víða um land á óvissustigi
Leiðindaveður yfir jólahátíðina
„Átti von á fleiri útköllum“
Gular viðvaranir í dag og á morgun
Nokkur útköll hjá Landsbjörg
Máttu ekki auglýsa „mesta úrvalið“ og „besta verðið“
Lítil snjóflóð fallið og vegum lokað á Vestfjörðum