Aldrei meiri áhugi á íslensku lagareldi

„Umfang ráðstefnunnar hefur farið mjög ört vaxandi samhliða mjög örum og skemmtilegum vexti eldis- og ræktunargreina. Ráðstefnan fjallar um allt lagareldi og það er mismunandi staða í þessum greinum, en þær eiga það sameiginlegt að þær hafa vaxið og dafnað á undanförnum árum. [...] Um er að ræða slíka þátttöku að það eru fleiri sem sækjast eftir að mæta en komast að,“ segir Jens í sérstöku blaði 200 mílna í tilefni af ráðstefnunni og fylgdi Morgunblaðinu í gær.

Jens telur ljóst að Ísland bjóði upp á vaxtartækifæri í lagareldi sem ekki er að finna á mörgum stöðum í heiminum. „Þess vegna er eðlilegt að Ísland ryðji sér til rúms sem einn af miðpubktum umræðu og samráðs í kringum greinarnar. Við höfum notið þess að sjá bæði fleiri styrktaraðila en á síðasta ári, sérstaklega í hópi erlendra styrktaraðila, sem gefur okkur byr undir báða vængi.“

Lagareldi er samheiti fyrir ræktunar- og eldirsgreinar og er ráðstefnan Lagarlíf helguð þeim öllum.

Blað 200 mílna helgað lagareldi má finna hér.