Fjöldi tillagna fyrir aðalfundi smábátaeigenda
Setja bókamerki
Aðalfundur Landssambands smábátaeigenda (LS) hófst á hótel Reykjavík Natura í gær og liggja fyrir fundinum fjölmargar tillögur frá aðildarfélögum um málefni smábáta. Áberandi eru tillögur að breytingum á fyrirkomulagi strandveiða en nokkur samhljómur er um að krefjast þess að öllum bátum verði tryggðir 48 veiðidagar eins og upphaflega var lagt upp með þegar kerfinu var komið á.
Meðal tillagna um strandveiðar er að finna kröfu um að allur strandveiðiafli skuli seldur á fiskmörkuðum, að strandveiðitímabilið verði lengt úr því að vera maí til ágúst í mars til október, að herða þurfi regluverk til að koma í veg fyrir að aðilar geti verið með fleiri en einn strandveiðibát og að strandveiðibátum verði gefið færi á að landa afla sem undirmáls- og VS-afla.
Einnig eru fyrir fundinum tillögur um að banna loðnuveiðar með flottrolli, að togveiðar á grunnslóð verði bannaðar, að byggðakvóta verði aðeins úthlutað til báta minni en 15 metra og að hvalveiðar verði heimilar.
Búist er við líflegum umræðum á fundinum í dag, ekki síst um kvótasetningu grásleppuveiða, en frumvarp Svandísar Svavarsdóttur matvælaráðherra þess efnis fékkst ekki afgreitt á síðasta þingi.
/frimg/1/54/30/1543000.jpg)
Vegurinn inn að Básum farinn í sundur
Verklok við snjóflóðavarnir áætluð 2029
Íbúð í Grafarvogi illa farinn eftir eldsvoða
Trump tekinn við sem forseti Bandaríkjanna
Játaði allt á fyrsta degi
Ganga í hús sem á að rýma á Seyðisfirði
Greiðslur virka nú eðlilega
Fella ákvörðunina ekki úr gildi