Náttúruverndarsamtök Íslands leggja til að íslensk stjórnvöld banni notkun og flutning á svartolíu innan 12 mílna landhelgi Íslands sem mun útiloka skip með svartolíu um borð frá því að koma nær landinu en 12 mílur. Þetta telja samtökin vera sterk skilaboð um á áherslur íslenskra yfirvalda í baráttunni gegn loftslagsvánni og fyrir bættu umgengni við umhverfið.

Þetta er meðal þess sem fram kemur í bréfi Náttúruverndarsamtakanna til sjö þingmanna sem sitja þing Norðurlandaráðs í Osló, en þinghald hófst á mánudag og lýkur á morgun. Fundahald fer fram undir fyrirsögninni „Örugg, græn og ung Norðurlönd“.

Frétt af mbl.is

Segja hreinsunarbúnað mengunarvald

Í bréfinu eru þingmennirnir hvattir til að fylgja eftir tillögum norrænna umhverfisráðherra um grænar siglingaleiðir í samvinnu við önnur ríki á Norðurlöndum, Evrópusambandið og ríki á Norðurslóðum. Samtökin segja þetta úrræði „áhrifaríkustu aðgerð gegn bráðnun íss og jökla Norðurslóða“.

„Ekki þarf að tíunda það hér að hlýnunarmáttur sótagna (e. black carbon) sem losna við bruna á svartolíu er 680 × meiri en losun af sama magni koltvísýrings yfir 100 ára tímabil og hefur 2.200 × meiri hlýnunarmátt yfir 20 ára tímabil. Því er ljóst að bann við svartolíu gæti gefið lífsnauðsynlegt andrými til að takast á við loftslagsvána, sem brátt kann að reynast óviðráðanleg ef ekki er gripið til raunhæfra aðgerða.“

Jafnframt vekja samtökin athygli á tíðra yfirlýsinga norrænna yfirvalda um mikilvægi þess að draga úr losun mengandi efna frá skipaumferð. „Fylgja verður eftir viljayfirlýsingum með aðgerðum.“

Frétt af mbl.is

Dísilolía og minni hraði gæti minnkað mengun

Tengdar fréttir

Loftslagsvá

Hlýjasta ár sögunnar

• „Heimurinn logar“
• Yfir 40 billjónir til þróunarríkja á ári
• Lagt til að fátækari þjóðum verði hjálpað
• „Kæra fullorðna fólk“

» Fleiri tengdar fréttir

Mengandi hreinsibúnaður skipa

Svíar banna einnig búnað sem Íslendingar leyfa

• Skora á Guðlaug að virkja bann tafarlaust
• Sætir takmörkunum í 37 ríkjum
• Banna mengandi búnað sem leyfður er á Íslandi
• Telja losun skolvatns örugga séu skilyrði uppfyllt

» Fleiri tengdar fréttir

• Blogga um frétt