„Gríðarleg áhrif á heilsu hafsins“

„Öll þekkjum við nokkuð vel til loftslagsbreytinga en færri gera sér grein fyrir því að þær hafa gríðarleg áhrif á heilsu hafsins. Bruni jarðefnaeldsneytis hefur valdið því að magn koltvísýrings í efri lögum hafsins hefur vaxið hröðum skrefum. Þetta veldur hitabylgjum í sjónum, getur mótað hafstrauma, veldur því að stofnar sjávarlífvera færa sig um set og veldur súrnun. Hækkun á hitastigi sjávar á heimsvísu er sambærileg orkunni frá fimm kjarnorkusprengjum á sérhverri sekúndu, allan sólarhringinn, allan ársins hring,“ segir Margrét Ormslev Ásgeirsdóttir, yfirmaður rekstrar hjá fyrirtækinu Transition Labs, en fyrirtækið er meðal stofnenda Hafbjargar.

Auk Transition Labs eru stofnendur Íslenski sjávarklasinn, Háskóli Íslands, lögfræðistofnun Háskólans í Reykjavík um loftslagsbreytingar og sjálfbærni (CLoCCS), samtökin Carbon to Sea, kolefnisjöfnunarfyrirtækið Running Tide og alþjóðlegi samstarfsvettvangurinn Ocean Visions.

Nánar má lesa um málið í Morgunblaðinu.