Gæslan og lögreglan með viðbúnað í Akraneshöfn

Landhelgisgæslan og lögreglan standa nú í aðgerðum við höfnina á Akranesi. Varðskipið Þór er við höfnina og tveir lögreglubílar. Tveir lögregluþjónar hið minnsta hafa farið um borð í snekkju. 

Snekkjan sem um ræðir er Amelía Rose. 

„Áhöfnin á varðskipinu Þór var við hefðbundið eftirlit og um átta sjómílum frá Akranesi var farið um borð í farþegaskipið sem er íslenskt. Þar kom í ljós að það voru allt of margir farþegar um borð miðað við leyfi skipsins,“ segir Ásgeir Erlendsson, upplýsingafulltrúi Landhelgisgæslunnar, í samtali við mbl.is.

Lögreglan fer um borð í farþegaskipið í Akraneshöfn. mbl.is/Klara

Skjáskot/Faxaflóahafnir

Lögreglan tók á móti skipinu

Ásgeir segir að í þágu rannsóknarhagsmuna hafi sú ákvörðun verið tekin að vísa skipinu til næstu hafnar, sem var á Akranesi.

„Þar tók lögregla á móti skipinu og í framhaldinu verður tekin skýrsla af skipstjóra,“ segir Ásgeir.

mbl.is hefur upplýsingar um að tvær stórar rútur og ein minni hafi tekið á móti farþegum skipsins.

Farþegar fluttir á brott í rútu. mbl.is/Klara

• Blogga um frétt