Telja fengsæl fiskimið í Eyjafirði í húfi
Setja bókamerki
Til að vernda mikilvæg fiskimið smábáta leggur smábátafélagið Klettur til að öllum hugmyndum um sjókvíaeldi í Eyjafirði verði hafnað.
„Í gegnum tíðina hafa ýmsir aðilar gert allskonar tilraunir til eldis í Eyjafirði í skjóli veikra laga og reglna um þennan málaflokk. Eftir hefur setið gríðarlegt magn af rusli og drasli bæði í sjó og fjörum sem engin virtist vera gerður ábyrgur fyrir,“ segir í umsögn félagsins við lagareldisstefnu Íslands til ársins 2040 sem birt hefur verið í samráðsgátt stjórnvalda.
„Þess fyrir utan hafa nýleg dæmi sannað að sjókvíaeldi á ekki rétt á sér. Þar er mikil hætta á umhverfismengun svosem varðandi úrgang frá slíku eldi, slysasleppingum, laxalús og fleiri sjúkdómum sem fylgja fiskeldi í sjó,“ segir í umsögninni.
Smábátafélagið Klettur hefur varnarþing frá Siglufirði í vestri að Tjörnesi í austri og bendir félagið sértsaklega á að „í Eyjafirði eru fengsæl fiskimið smábáta sem eru í hættu ef áframeldiskvíar í sjó verða leyfðar. Þá eru margar vinsælar veiðiár á svæðinu sem eru í hættu ef til slysasleppinga kemur líkt og oft hefur gerst.“
Leggst Klettur „alfarið gegn áframeldi að nokkrum toga í Eyjafirði.“
/frimg/1/52/89/1528998.jpg)
Eftirminnilegur og áhugasamur
Við urðum að byrja upp á nýtt
/frimg/1/52/89/1528993.jpg)
Þórður „má og á að skammast sín“
Áfram eftirlit á Lundi og rætt við starfsfólk
Spá illviðri víða um land á morgun
Lýsa yfir stuðningi við kennara
„Það var bara allt í kássu“
Telur njósnirnar vega að lýðræðinu á Íslandi