Múlaberg SI er komið til hafnar í Gent í Belgíu þar sem það verður tekið í brotajárn. Þetta staðfestir Ísfélagið.

Bilun kom upp í skipinu fyrir ekki svo löngu og var hún þess eðlis að ekki þótti svara kostnaði að gera við skipið. Áhöfn Múlabergs var því sagt upp.

Frétt af mbl.is

Tólf manna áhöfn Múlabergs sagt upp

Skipið á sér hálfrar aldar útgerðarsögu við Íslandsstrendur og var fyrst gert út með nafninu Ólafur Bekkur. Það var um langt skeið í eigu Ramma hf. sem sameinaðist Ísfélagi Vestmannaeyja hf. í Ísfélag hf. fyrr á árinu.

Skipið var smíðað í Japan árið 1973 og er eitt af tíu samskonar skipa sem smíðuð voru fyrir Íslendinga í asíuríkinu. Aðeins Ljósafell SU sem Loðnuvinnslan hf. gerir út frá Fáskrúðsfirði er eftir af Japanstogurunum í íslenska flotanum.

Tengdar fréttir

Ísfélag hf

Ísfélagið í stórræðum á Þórshöfn

• Fjárfesta í pökkunarlausn frá Marel
• Bókfæra mikinn hagnað eftir skráningu
• Átakanlegt að missa fyrirtækið úr bænum
• Öllu starfsfólki fiskvinnslunnar sagt upp

» Fleiri tengdar fréttir

• Blogga um frétt