Félags vélstjóra og málmtæknimanna hefur unnið að því í samráði við almannavarnir að taka frá orlofseignir stéttarfélagsins fyrir Grindvíkinga sem hafa þurft að yfirgefa heimili sín. Frá þessu greinir Guðmundur Helgi Þórarinsson, formaður, í pistli á vef VM.

„Skelfilegt er að fylgjast með þeim hamförum sem nú eiga sér stað í Grindavík og nágrenni. Erfitt er að setja sig í spor Grindvíkinga og máta sig við þær raunir sem við þeim blasa. Afar þungbært er að þurfa að yfirgefa heimili sín við þessar aðstæður og horfa upp á þá eyðileggingu sem orðið hefur. Óvissan um framtíðina er nagandi,“ skrifar hann.

Er VM meðal fleiri stéttarfélaga sem hafa ákveðið að bjóða fram sín orlofshús undir þá Grindvíkinga sem skorti dvalarstað vegna hættuástandsins sem myndast hefur í Grindavík í tengslum við mögulegt eldgos.

Frétt af mbl.is

Efling býður 25 orlofshús til afnota fyrir íbúa

Biður um skilning og umburðarlyndi

„Óvíst er með öllu hvenær jarðhræringum á þessu svæði lýkur og neyðarstigi verður aflétt. Það gæti tekið vikur eða mánuði. Þannig er alls óljóst hversu lengi Grindvíkingar þurfa á orlofseignum félagsins að halda. Við förum þess á leit við félagsmenn að þeir sýni þessu ástandi skilning og umburðarlyndi,“ skrifar Guðmundur Helgi.

Félagsmenn VM sem hafa átt bókuð orlofshús á næstunni geta því átt von á afbókunum og verður ekki hægt að bóka hús.

„Hugur okkar allra er hjá Grindvíkingum og ástvinum þeirra – þeirra aðstæður ganga fyrir,“ segir í pistlinum.

Grindvíkingar hafa þurft að yfirgefa heimili sín. mbl.is/Eggert Jóhannesson

Tengdar fréttir

Eldvirkni á Reykjanesskaga

„Nokkur dæmi um hús í óásættanlegu ástandi“

• „Breytir ekki okkar viðbúnaði“
• Auknar líkur á kvikuhlaupi eða eldgosi
• Skelfur við Eldey
• Ólíklegt að ein eldstöð hafi áhrif á aðrar

» Fleiri tengdar fréttir

• Blogga um frétt