„Það fylgir gríðarlegur dauði eldisdýra og slys“
Setja bókamerki
„Það sem er að koma þessum iðnaði í koll er það sem er innbyggt í hann. Það fylgir honum gríðarlegur dauði eldisdýra og slys,“ segir Jón Kaldal, í Íslenska náttúruverndarsjóðnum, í Morgunblaðinu í dag inntur álits á stöðu greinarinnar. Hann telur ljóst að vilji er til breytinga en á dögunum birti Maskína niðurstöður skoðanakönnunar þar sem 69% sögðust andvíg sjókvíaeldi og aðeins 10% fylgjandi.
Jón segir liggja fyrir að slys eins og strok laxa úr kvíum Arctic Fish í Patreksfirði í ágúst séu í raun ekki tilfallandi óhöpp heldur kerfisbundinn galli í núverandi fyrirkomulagi sjókvíaeldis. „Í greininni er gert ráð fyrir að fiskur sleppi og blandist villtum fiski.“
Jón kveðst þó ekki vilja banna sjókvíaeldi en segir ljóst að gera þurfi kröfu um að enginn fiskur sleppi úr sjókvíum og takmarka þá mengun sem heimilt er samkvæmt lögum að berist frá starfseminni í umhverfið.
Nánar má lesa um málið í Morgunblaðinu í dag.
„Mér var haldið sofandi í níu sólarhringa“
Ekki eins og jólasveinn á hreindýrssleða
Síminn stoppar ekki hjá Árekstur.is
„Það er sárt að svona fór“
Vonast eftir breiðri þverpólitískri sátt
Mjög dýrt að tryggja landamærin
Varð að gefa dálítið af sjálfum mér
Fór 1.628 km í þágu sjálfsvígsforvarna