Herjólfur fer í slipp og sá gamli mun taka við
Setja bókamerki
Stefnt er að því að ferjan Herjólfur fari í slipp um miðja næstu viku. Á miðvikudag kom í ljós bilun í skrúfubúnaði skipsins og er því önnur skrúfa skipsins óvirk. Gamli Herjólfur [Herjólfur III] tekur við keflinu á meðan.
Þetta segir Hörður Orri Grettisson, framkvæmdastjóri Herjólfs, í samtali við mbl.is.
Ekki er komin endanleg dagsetning á það hvenær Herjólfur fer í slipp en Hörður segir að reiknað sé með því að skipið fari í slipp í Hafnarfirði um miðja næstu viku.
Siglir á annarri skrúfunni
„Núna er blíðskaparveður þannig skipið er að sigla til Landeyjarhafnar á annarri skrúfunni en siglir hins vegar bara tvær ferðir á dag vegna bilunar,“ segir Hörður og bætir því við að dýptarmæling hafi verið gerð í gær í Landeyjarhöfn sem leiddi í ljós að dýpið var ekki nógu mikið til að hægt var að sigla allan daginn.
„Skipið þarf því að sigla á háflóði, eiginlega há-háflóði, inn í Landeyjarhöfn vegna ónægs dýpis.“
Hefur tryggt sér stuðning nógu margra kjörmanna
„Það er þá bara alltaf orðrómur“
„Ekkert samtal sem hefur átt sér stað“
Neitaði að taka þátt í PISA-könnuninni
Segir umræðuna storm í vatnsglasi
Mega gefa einkunnir í tölum, bókstöfum og litum
Veitti fá svör um banatilræðið við Trump
Var aldrei að fara að byggja glerhöll eða gámahótel