Hjól atvinnulífsins eru smátt og smátt að fara af stað á nýjan leik í Grindavík en í morgun hófst löndun úr Sturlu GK, togbáti Þorbjarnarins, sem hélt út til veiða á mánudaginn og kom til hafnar í Grindavík í morgun.

Sturla GK er fyrsta skipið sem kemur til hafnar í Grindavík eftir að bærinn var rýmdur þann 10. nóvember. Sturla var við veiðar á Látagrunni, síðan við Snæfellsnes og í gær var Sturla á veiðum út af Reykjanesi við Eldey.

Frétt af mbl.is

Aftur landað eftir stopp í Grindavík

Sturla GK var fyrsta skipið sem landaði í Grindavík eftir að bærinn var rýmdur. mbl.is/Eggert Jóhannesson

Stefnan tekin austur fyrir

„Við komum til hafnar um níuleytið í morgun og löndunargengið hófst þegar handa við að landa úr skipinu,“ sagði Daníel Evert Árnason, háseti á Sturlu GK, við mbl.is rétt áður en skipið hélt aftur út til veiða. Þegar mbl.is ræddi við hann var beðið eftir vélstjóranum og þegar hann skilaði sér hélt Sturla GK úr höfninni.

Daníel segir að stefnan verði tekin eitthvað austur fyrir, í átt að Vestmannaeyjum, en Sturla GK landaði í Grundafirði á meðan ekki var að hægt að fara til Grindavíkur. Nú er landvinnslan farin aftur af stað í Grindavík.

„Það er gleðilegt að aftur sé komið líf í höfnina í Grindavík og allt sé að taka við sér á nýjan leik,“ segir Daníel Evert.

Tengdar fréttir

Eldvirkni á Reykjanesskaga

„Ekkert okkar vilji afskrifa Reykjanesskagann“

• „Hissa á að ráðherra hafi skipað þetta“
• „Verið að gera stöðuna enn verri“
• Líkur á dyngjugosi þykja fara vaxandi
• Skjálftar á Reykjanesskaga

» Fleiri tengdar fréttir

• Blogga um frétt