Ístækni kaupir eignir Skagans 3X á Ísafirði

Ístækni ehf hefur gert samkomulag um kaup á tækjum og öðrum framleiðslubúnaði Skagans 3X Ísafirði og mun Ístækni hefja starfsemi á morgun, að því er fram kemur í tilkynningu.

Þar segir að eð Vélsmiðjan Þristur ehf. á Ísafirði mun sameinast Ístækni um áramótin og mun hið sameianaða félag sérhæfa sig í hönnun og framleiðslu á búnaði og tækjum fyrir sjávarútveg, laxeldi og annan matvælaiðnað. Auk nýsmíði mun fyrirtækið bjóða upp á viðgerðar- og viðhaldsþjónustu.

Starfsmenn Ístæknis sem hefja störf á morgun eru tólf og mun þeim fjölga í rúmlega 20 eftri áramót. Framkvæmdastjóri Ístæknis ehf. er Jóhann Bæring Gunnarsson véliðnfræðingur.

Skaginn 3X tilkynnti lokun í ágúst

Tilkynnt var um það í ágúst að Skaginn 3X myndi loka starfsstöð sinni á Ísafirði og að 27 starfsmönnum hefði verið sagt upp. Hygðist fyrirtækið sameina alla framleiðslu á einn stað og var ákveðið að það yrði á Akranesi.

Þýski vinnslubúnaðarframleiðandinn Baader festi kaup á 60% hlut í Skaganum 3X árið 2020 og síðan eftirstandandi 40% hlut á síðasta ári.

Frétt af mbl.is

Segja 27 upp og leggja niður starfsstöð

• Blogga um frétt