Þá er óttast að einhverjar skemmdir kunni að hafa orðið á einum þeirra þriggja rafstrengja sem liggja frá landi til Eyja. Þó er ekki talið að þar sé um að ræða annan tveggja virkra rafstrengja, líklegra sé að þar sé um aflagðan streng að ræða. Þetta segir Halldór Halldórsson öryggisstjóri Landsnets sem rekur rafstrengina.

Hættuástand almannavarna er í Vestmannaeyjum vegna skemmdanna á vatnslögninni og er lögreglan í Eyjum með málið til rannsóknar sem og rannsóknarnefnd sjóslysa.

Sjópróf gert í dag

Karl Gauti Hjaltason lögreglustjóri í Vestmannaeyjum segist ekki geta sagt til um hvenær rannsókn málsins verði lokið af hálfu lögreglunnar. Skýrslutökum er ekki lokið og gagnaöflun í gangi. Spurður um refsinæmi atburðar sem þessa segist hann telja að gáleysisstig þurfi að vera nokkuð hátt ef til refsingar tjónvalds eigi að koma.

Ekki er enn fullljóst hvernig atvik urðu í þessu máli, en eftir því sem Morgunblaðið kemst næst þarf að gera tvær til þrjár aðgerðir til að láta akkerið fara, þannig að ljóst virðist vera að mistök hafi verið gerð þegar þessi atburður varð. Vinnslustöðin sem gerir skipið út hefur m.a. brugðist við með þeim hætti að segja bæði skipstjóra Hugins og stýrimanni upp störfum, en vísast munu atvik máls skýrast betur við sjópróf sem gert er ráð fyrir að fram fari í Vestmannaeyjum í dag, fimmtudag.

Nánar er fjallað um málið í Morgunblaðinu í dag.

Tengdar fréttir

Skemmdir á vatnslögn til Vestmannaeyja

Geta bætt tjónið umfram tryggingar

• Bærinn höfðar skaðabótamál gegn Vinnslustöðinni
• Hafna „umframbótum“ vegna vatnslagnar til Eyja
• Segja Eyjamenn þurfa að borga
• Segir skipstjórana hafa vanrækt skyldur sínar

» Fleiri tengdar fréttir