Gjald á eldislaxinn hækkar um 60%
Setja bókamerki
Gjald á fiskeldi í sjó hækkar um tæp 60% í tilfelli laxeldis og 68% í tilfelli regnbogasilungs um áramótin. Samkvæmt útreikningum Fiskistofu verður verður gjald á hvert kílógramm slátraðs lax 30,77 krónur og gjald á hvert kílógramm slátraðs regnbogasilungs 15,39 krónur, að því er segir á vef stofnunarinnar.
Fiskistofa vekur jafnframt athygli á að fyrir Alþingi liggur frumvarp um breytingu á á lögum um gjaldtöku í fiskeldi sem leitt gæti til breytingar á gjaldtökunni, en verði frumvarpið samþykkt hækkar álagningarprósentan úr 3,5% í 5%. Getur því gjaldið hækkað töluvert meira um áramótin.
Núverandi fyrirkomulag miðar við 3,5% gjald á lax úr sjókvíaeldi þegar verð er 4,8 evrur á kílógramm eða hærra, 2% þegar verð er 4,3 evrur á kílógramm upp að 4,8 evrum og 0,5% þegar verð er lægra en 4,3 evrur. Gjald á regnbogasilung á að vera helmingur af því sem sett er á lax og á það einnig við um ófrjóan lax og lax sem er alinn í sjó með lokuðum eldisbúnaði.
Innleiðing gjaldsins sem samþykkt var 2019 byggði á að það myndi taka gildi í sjö áföngum fram til ársins 2026 þannig að gjaldið myndi hækka um einn sjöunda þar til það yrði innheimt til fulls.
Hafa innheimt 858 milljónir
Álagning gjalds á sjókvíaeldis er fyrir hálft ár í senn, tímabilið 1. janúar til 30. júní og svo 1. júlí til 31. júlí.
Mest hefur verið innheimt 224,8 milljónir króna á einum árshelming og var það síðari hluti ársins 2022. Frá ársbyrjun 2020 hafa verið innheimtar 858,9 milljónir króna vegna gjalds á sjókvíaeldi á Íslandi.
Hefur ekki verið afgreitt
Frumvarp sem Bjarni Benediktsson, þáverandi efnahags- og fjármálaráðherra, mælti fyrir á Alþingi 12. september snýr að breytingu fjölda laga i tilefni af fjárlögum og felur í sér að álagning á sjókvíaeldi hækki um 1,5 prósentustig í 5%. Frumvarpið hefur þó aðeins verið farið í gegnum fyrstu umræðu á þingi af þremur.
Óljóst er hvernig gjaldinu verður hagað eftir afgreiðslu Alþingis en í lögum er tímafrestur Fiskistofu til að auglýsa hvert gjaldið verður 31. desember næstkomandi fyrir gjaldið árið 2024.
KEF Spa: „Eitthvað sem þú hefur ekki séð áður“
Í þögn hjartans
Strandveiðar „efnahagsleg sóun“
Óveður heldur Holtavörðuheiði lokaðri
Hellisheiði og Þrengsli ekki opnuð í dag
Björgunarsveitir kallaðar út í nótt
Fuglager í Grindavík: „Þetta var bara pínu magnað“
Spá 13-18 stiga frosti í borginni