Snéru við í vonskuveðri á leið til Reykjavíkur

Um hálf eitt í nótt þurfti flutningaskipið Tukum Arctica að snúa við skammt suður af Hvarfi (dk. Kap Farvel) þegar það var á leið frá Nuuk til Reykjavíkur. Upp kom bilun og hefur veður verið slæmt á svæðinu og var því ekki annað unnt en að koma skipinu í skjól, upplýsir Eimskip.

Tukuma Arctica er gert úr af Royal Arctic Line og þjónustar „rauðu leið“ Eimskips og átti skipið að leggja við bryggju í Reykjavík á föstudag. Eimskip segir ljóst að einhver seinkun verður á komu skipsins.

Royal Arctic Line segir í svari við fyrirspurn 200 mílna að bilunin um borð sé ekki alvarleg en snýr að vél skipsins. „Tæknifólk um borð vinnur að viðgerð vélarinnar og það eru allir nauðsynlegir varahlutir um borð. Þeir gera allt í sínu valdi til að takmarka töfina. Við munum vita meira um áætlaðan komutíma til Reykjavíkur síðar.“

Tukuma Arctic siglir reglulega milli Nuuk og Reykjavíkur og er það liður í rauðri leið Eimskipa. Ljósmynd/Royal Arctic Line

• Blogga um frétt