Stefnir í 64,5% jaðarskatt á sjókvíaeldi
Setja bókamerki
Verði frumvarp ríkisstjórnarinnar um breytingu á ýmsum lögum vegna fjárlaga 2024 samþykkt óbreytt mun álagningarhlutfall gjalds sem lagt er á sjókvíaeldi hækka úr 3,5% í 5%. Verða þá á Íslandi hæstu skattar sem hlutfall af afkomu fiskeldisfyrirtækja á heimsvísu og getur slíkt haft verulega neikvæð á rekstrargrundvöll eldisfyrirtækjanna, að því er fram kemur í umfjöllun Morgunblaðsins.
Eins og fjallað hefur verið um á 200 mílum mun gjald á sjókvíaeldi án fyrirhugaðra breytinga hækka sjálfkrafa um áramótin á grundvelli eldri laga. Um er að ræða 60% í tilfelli lax og 68% í tilfelli regnbogasilungs.
Hækki álagningarhlutfallið í 5% má gróflega áætla að gjaldið á hvert framleitt kíló af laxi í sjókvíum gæti orðið 44 krónur árið 2024, sem er um 140% hærra gjald en lagt var á þessa framleiðslu 2023.
Alltaf meira en helmingur
Að óbreyttu má áætla að tekjur ríkissjóðs af gjaldinu nemi 1.523 milljónum króna árið 2024 ef tekið er mið af framleiðsluáætlunum fyrirtækjanna. Verði afkoma fyrirtækjanna á næsta ári svipað og undanfarin tvö ár (um fimm milljarðar) er gjaldið á sjókvíaeldi rétt rúm 30% af afkomu. Ef litið er til tekjuskatts lögaðila, sem er 20%, og 1% viðbótarskatts á lögaðila fjárlaga fyrir árið 2024 verður jaðarskatturinn 51% af afkomu fiskeldisfélaga.
Hækki álagningarhlutfallið í 5% má reikna með að tekjur ríkissjóðs af gjaldinu verði rúmar 2.175 milljónir eða um 43,5% af afkomu fyrirtækjanna síðustu ár. Jaðarskatturinn á afkomu verður þá heil 64,5%.
Nánar er fjallað um málið í Morgunblaðinu í dag.
Feðgar saman í Grænlandstúr á jólum
Óveður heldur Holtavörðuheiði lokaðri
Clinton fluttur á sjúkrahús
Í vinnunni á aðfangadagskvöldi í 25 ár
Segir umsókn að ESB vera óvirka
Ofmeta sparnað í stjórnarráðinu