Vélstjórar slíta viðræðum við SFS
Setja bókamerki
Félag vélstjóra og málmtæknimanna (VM) og Sjómanna og vélstjórafélag Grindavíkur (SVG) hafa ákveðið að slíta kjarasamningsviðræðum við Samtök fyrirtækja í sjávarútvegi (SFS). Í tilkynningu á vef VM er fullyrt að viðræðurnar hafa reynst árangurslausar og að samninganefnd VM hyggst nú ráðfæra sig við félagsmenn um næstu skref.
Vélstjórar felldu í mars því sem kallað var „tímamótasamningur“ við SFS með 59,72% atkvæða gegn 38,16%. Teknar voru upp viðræður á ný í haust og hafa viðræður aðallega snúist um tímakaup vélstjóra í landi. „Að loknum síðasta fundi aðila, sem haldinn var á þriðjudag, lýstu fulltrúar launamanna yfir árangursleysi,“ segir í tilkynningunni.
„Það eru mikil vonbrigði að vilji útgerðarmanna til að leiðrétta laun vélstjóra þegar skipin eru bundin við bryggju sé ekki meiri en raun ber vitni. Laun þeirra hafa staðið í stað frá árinu 2019. Á þessum tíma hefur verðlag í landinu hækkað um 43%.“
Taldi betra fyrir drengina að deyja
Glíma enn við eftirköst E.coli-smits í Efstadal
Telja sig geta rekið Grindavík til 2026
Vandræði með vatn í Bolungarvík
Ránið var framið í strætóskýli
„Einhverjir töfrar sem gerast“
Deilan enn í hnút eftir tveggja vikna verkföll