Festu kaup á Glyvurnesinu

Færeyska skipafélagið Smyril Line hefur fest kaup á flutningaskipinu Glyvursnes og voru kaupunum fagnað við hátíðlega athöfn í slipp Fayard í Munkebo í Danmörku. Skipið sem smíðað var 1999 var í eigu finnska skipafélagsins Bore en hefur sinnt siglingum fyrir Smyril Line.

Glyvursnes mun eftir áramót sinna siglingaleið sem leiguskipið Mistral hefur sinnt milli Þórshafnar í Færeyjum, Þorlákshafnar á Íslandi og Hirtshald í Danmörku.

Samkvæmt áætlun mun Glyvursnes leggja frá bryggju í Danmörku 30. desember og sigla til Færeyja. Þegar skipið hefur siglingar fyrir Smyril Line mun færeyska félagið vera orðið eigandi allra skipa sem sinna siglingaleiðum þess. Fyrir á Smyril Line út skipin Norrænu, Mykines, Akranes, Hvítanes og Eystnes.

Skipstjórar um borð verða þeir Óli Hammer og Eljón Poulsen.