Ekki útséð um að deilan leysist án átaka
Setja bókamerki
Félag vélstjóra og málmtæknimanna (VM) mun ekki taka ákvörðun um mögulegar vinnustöðvanir í tengslum við kjaraviðræður við Samtök fyrirtækja í sjávarútvegi (SFS) fyrr en eftir áramót, að því er fram kemur í Morgunblaðinu í dag.
„Ég yrði ekki hissa ef menn vildu – komi ekki fram verulega breytt tilboð – grípa til verkfalla á nýju ári,“ segir Guðmundur Helgi Þórarinsson formaður VM. „Við erum ekki búin að taka ákvörðun um framhaldið. Við höfum sýnt mjög mikið langlundargeð.“
VM tilkynnti 6. desember að ákveðið hefði verið að slíta viðræðum við SFS og fullyrt var að viðræðurnar hefðu reynst árangurslausar. Samninganefnd VM hygðist nú ráðfæra sig við félagsmenn um næstu skref.
Guðmundur Helgi telur vandamál að forstjórar félaga taki þátt í viðræðunum sjálfum. „Ef þeir vildu semja fljótt og vel myndu þeir ekki hleypa forstjórunum að, þeir eru vanir að stjórna öllum. […] Þetta er að verða erfiðara en pólitíkin. Það þykir mér leitt.“
Nánar má lesa um kjaradeiluna í Morgunblaðinu í dag.
E.coli baktería greindist í neysluvatni
TikTok bannað í Bandaríkjunum
„Ekkert horft á þarfir samfélagsins“
Gerir ráð fyrir frekari málaferlum
Versnandi veður og búist við að færð spillist
Plástrameðferðir sem duga skammt
/frimg/1/54/25/1542574.jpg)
Sendiherra gerist leikari
Orðið lúxusvandamál að velja lögin