Erfitt að koma afurðum til Úkraínu
Setja bókamerki
Um fimmtíu flutningabílar hafa verið í fastir í biðröð með sjávarafurðir til helsta kaupanda Ice Fresh Seafood í Úkraínu og eru í þeim samtals um eitt þúsund tonn af afurðum. Ice Fresh Seafood selur afurðir Samherja, Síldarvinnslunnar og fleiri sjávarútvegsfyrirtækja, að því er fram kemur á vef Samherja.
Margra kílómetra löng röð flutningabíla hefur verið við landamæri Póllands og Úkraínu undanfarnar vikur vegna aðgerða að undirlagi pólskra bílstjóra. Áætlað er að röðin hafi síðustu daga verið um 50 kílómetra löng og bílarnir í röðinni séu hátt í þrjú þúsund.
Jóhannes Már Jóhannesson sölustjóri hjá Ice Fresh Seafood segir í færsluá vef Smaherja ástandið mjög svo bagalegt og ómögulegt að segja til um framvindu mála.
„Staðan í þessu máli er á margan hátt flókin og auk þess pólitísk, þar sem ný ríkisstjórn er að taka við völdum í Póllandi. Þegar svona ástand skapast hækkar verð á flutningum upp úr öllu valdi, kostnaðurinn hefur líklega fimmfaldast síðan þetta ástand skapaðist við landamærin.“
Jóhannes segir Úkraínu stærsta makaðssvæði fyrir uppsjávarafurðirnar síld, loðnu og makríl. „Innrás Rússa í Úkraínu gjörbreytti öllum aðstæðum varðandi sölu og afhendingu afurða þar, hafnir við Svartahaf lokuðust og því ekki hægt að senda flutningaskip þangað eins og áður.
Jóhannes seir stöðuna á landamærunum við Úkraínu fyrst og fremst bitna á fólkinu í Úkraínu. „Maður vonar sannarlega að biðraðirnar verði úr sögunni sem fyrst. Við erum í þéttu og góðu sambandi við viðskiptavini okkar í Úkraínu, sem hafa auðvitað miklar áhyggjur af ástandinu. Það eru gríðarleg verðmæti í húfi, ég býst við að matvæli séu í stórum hluta þessarar fimmtíu kílómetra löngu biðraðar.“
TikTok bannað í Bandaríkjunum
E.coli baktería greindist í neysluvatni
Versnandi veður og búist við að færð spillist
Ísland í úrslitaleik eftir risasigur
Plástrameðferðir sem duga skammt
Segir fordæmingu barnaníðinga skaðlega
