Telja ákvæði sjávarútvegsfrumvarpsins óljós
Setja bókamerki
/frimg/1/46/57/1465795.jpg)
Sveitarstjórn Tálknafjarðarhrepps lýsir yfir áhyggjum af „óljósum ákvæðum“ í lagafrumvarpi er snýr að nýjum heildarlögum fyrir sjávarútveginn. Tilefnið er fyrirhugað afnám almenns byggðakvóta og þess í stað veita sjávarbyggðum innviðastyrki.
Tillagan sem um ræðir gengur út á að umræddur byggðakvóti verði boðinn upp og veittur hæstbjóðanda og er fjármagnið sem fæst í staðinn nýtt til að styðja við byggð þar sem hún stendur höllum fæti. Samkvæmt greinargerð frumvarpsins er innviðastyrkjunum ætlað að ýta undir vöxt annarskonar atvinnustarfsemi en útgerð í byggðum þar sem dregið hefur úr umsvifum sjávarútvegs.
Í umsögn sveitarstjórnarinnar sem birt hefur verið í samráðsgátt stjórnvalda kemur fram að ekki sé nægilega skýrt hvernig eigi að útfæra umrædd lagaákvæði. „Erfitt er að sjá að þau ákvæði séu til þess fallin að efla útgerð og mannlíf í sjávarbyggðum landsins.“
Byggt á tillögum?
Hugmyndin byggir á tillögum starfshópa Auðlindarinnar okkar, að því er segir í grienargerð frumvarpsins.. „Lagt er til að stuðningurinn verði tímabundinn, þ.e. að stuðningi verði hætt til sjávarbyggða þar sem náðst hefur mælanlegur árangur […] þ.e. fjölgun starfa, íbúaþróun og fjölgað hafi atvinnutækifærum í viðkomandi sjávarbyggð.“
Gert er ráð fyrir að árangurinn af innviðastyrkjunum verði metinn á fimm ára fresti.
Áformin voru gagnrýnd þegar þau voru kynnt og sögð ekki í samræmi við þá vinnu sem unnin var undir merkjum Auðlindarinnar okkar. Samtök fyrirtækja í sjávarútvegi vöktu í yfirlýsingu athygli á því að í skýrslu starfshópanna kæmi fram að innköllun og uppboð aflaheimilda „hafi í öllum meginatriðum mistekist í þeim ríkjum sem reynt hafa.“
Sveitalubbinn með Hvíta húsið í sigtinu
Frömdu hundruð stríðsglæpa í árásinni
Langþráð hótel gæti risið á næsta ári
Joe Biden með Covid-19
Þriðja tilboðið hugsanlega á leiðinni
Í sjokki þegar þau sáu konuna í sjónum
Höddi Magg snýr aftur í enska boltann